د لبنان په جنوبی کلیو او د ملکی خلکو په کورونو د اسرائیلی رژیم د حملو په ځواب کښې د لبنان د حزب الله مقاومت غورځنګ د دغه رژیم د ۷۶۹ کنډک مرکز په درنو توغندیو وویشت او هغه ته یې درانه زیانونه واړول.

د اسرائیلو پوځ اعلان وکړ چې د غزې تړانګې په شمال کښې د جبالیا په سیمه کښې په تیرو شلو ورځو کښې د دغه رژیم لس پوځیان وژل شوی دی.

د یمن د روغتیا وزارت اعلان وکړ چې د الحدیده راډیو په ودانۍ او بندر السلف باندې د امریکې او برطانیې د ائتلاف د هوایی حملو په نتیجه کښې ۱۶ کسان وژل شوی او تر ۳۰ زیات ژوبل شوی دی.

د پاکستان د بهرنیو چارو وزارت اعلان کړی، چې د دغه هېواد یوه پلاوي په خیبر پښتونخوا کې د وروستي برید موندنې چې پکې چینايي اتباع په نښه شوي، د افغانستان د سرپرست حکومت له چارواکو سره شریک کړي دي.

د هند د بهرنیو چارو د وزارت ویاند رندیر جیسوال د افغانستان خلکو ته د بشردوستانه مرستو د رسولو په هدف د چابهار بندر په کارولو ټینګار وکړ او ویې ویل نوی ډیلی د افغانستان له خلکو سره خپلو مرستو ته دوام ورکوی.

د فلسطین سرې میاشتې اعلان وکړ چې د اکتوبر له اوومې نیټې په غزې تړانګې د صهیونیسټ رژیم د وحشیانه حملو له پیل راهسې تراوسه په غزې تړانګه کښې څه دپاسه ۵۰۰ ډاکټران او طبی کارکونکی شهیدان شوی دی .

د بلخ سیمه ییز چارواکي وايي، په دغه ولایت کې د غصب شویو دولتي ځمکو له بېرته راګرځېدو وروسته به د ودانیزو چارو چارې پیل کړي.

د اسلامي امارت د بهرنیو چارو وزارت سرچینې، په تهران کې د افغانستان سفارت او په مشهد مقدس ښار کې د افغانستان قونسلګرۍ د جنرال عبدالجابر انصار د ماموریت او خدمت د دورې د پای ته رسیدو خبر ورکوي. په کابل کې د بهرنیو ...

د فلسطین د روغتیا وزارت په غزې تړانګه کښې د اکتوبر له اوومې نیټې راهیسې د شهیدانو شمیر ۳۶ زره ۱۷۱ تنو ته او د زخمیانو شمیر ۸۱ زره ۴۲۰ ته لوړ شوی دی.

د کورنیو چارو وزارت اعلان کړی، چې د لا ښه امنیت د تامین په موخه د پروان ولایت په مرکز چاریکار ښار کې د امنیتي کمرو د نصبولو کار پیل شوی او په لومړي پړاو کې سلګونه کمرې نصب شوې دي.

د کار او ټولنیزو چارو وزارت د قطر د کار له وزیر سره د دواړو هېوادونو د ګډو ګټو په تېره بیا د افغان کارګرانو د ستونزو په اړه د دغه وزارت د سرپرست د لیدنې او بحث خبر ورکړی دی.

د ارشاد، حج او اوقافو وزارت وايي، چې د دغه وزارت سرپرست په کابل کې د ترکیې د سفارت له مشر سره په کتنه کې په ترکیه کې د اسلامي هېوادونو د علماوو د مشورتي کنفرانس جوړېدل ارزښتناکه وبلله او ویې ویل، چې دغه کنفرانس ...